重感情嘅你無論係朋友定係情人都非常之珍惜；當其他人有需要嘅時候，你總係立即出現去安慰佢、幫佢手解決問題。你咁做係因為你重視佢、重視呢一段關係。
有時你都會好氣餒，總會有失落、低潮嘅時候；你有煩惱、向身邊嘅人求救，但係你發覺佢哋可能淨係會講幾句安慰說話，冇認真深入咁樣去為你設想、感受一下你嘅負面情緒。
情況更差嘅話，你身邊嘅朋友可能會企喺道德高地同你說教，意圖糾正你嘅「偏差」行為。呢一啲「意見」只會令你嘅心情更加差，令到本身有煩惱嘅你再次受到打擊。
其實我哋同人傾訴，有時只不過係想得到一啲心靈上嘅慰藉，希望其他人都有同理心，可以代入你嘅角度去睇事情；得到認同同埋打氣，我哋嘅負面情緒亦都得以舒緩。
我哋真正需要嘅係識得佢去我哋角度諗嘢嘅真朋友，而並非一啲只會好表面咁安為你嘅人。人大咗會發覺真朋友唔需要多，有1、2個已經好足夠。
歌曲：七友
歌手：梁漢文
作詞：林夕
作曲：雷頌德
#hkword #hkmusic #廣東歌 #廣東話 #Cantopop #hkpop #cantonese #梁漢文 #七友 #林夕 #雷頌德 #誰人曾照顧過我的感受 #纏綿遊戲 #呼吸 #好朋友 #萬里陽光 #一再問究竟
#衣櫃裡的男人 #角度 #pg家長指引 #501 #羅曼蒂克 #滾 #住家丁麵 #半邊生命 #正氣歌 #一路走來 #終生贊助 #華星三寳 #美女廚房
Search